Марыя Дабранега

Марыя Дабранега
Нараджэнне	не раней за 1012 ці каля 1012 Кіеў, Кіеўская Русь
Смерць	13 снежня 1087
Род	Рурыкавічы і Пясты
Бацька	Уладзімір Святаславіч
Маці	Ганна
Муж	Казімір I Аднавіцель
Дзеці	Баляслаў II Смелы, Уладзіслаў I Герман, Мешка Казіміравіч[d], Святаслава Сватава[d] і Атон Казіміравіч[d]
Веравызнанне	Праваслаўная Царква
Медыяфайлы на Вікісховішчы

Дабране́га або Дабрагне́ва, у хрышчэнні Марыя (пачатак XI ст. — 1087) — князёўна кіеўская.

Біяграфія

Магчыма, дачка кіеўскага князя Уладзіміра Святаславіча. Маці пэўна не вядома, але з даты шлюбу даследчыкі здагадваюцца, што імаверна яна дачка з апошняга шлюбу Уладзіміра, вядомага з паведамлення Цітмара Мерзебургскага. Таксама ёсць версія, што Дабранега — дачка Барыса Уладзіміравіча.

У 1038 або 1042 годзе вялікі князь кіеўскі Яраслаў Уладзіміравіч выдаў яе за польскага князя Казіміра Аднавіцеля. Казімір памёр 28 лістапада 1058 года. У іх было чацвёра сыноў і дачка:

• Баляслаў Смелы (1042—1081), князь Польшчы ў 1058—1076 гадах і кароль у 1076—1079, у першыя гады ўладарства Баляслава Дабранега захоўвала значны ўплыў на сына;
• Уладзіслаў Герман (1043—1102), князь Польшчы ў 1080—1102;
• Мешка (1045—1065),
• Атон (1046—1048)
• Святаслава (1044—1126), з 1062/1063 года княгіня, а потым каралева Чэхіі.

Літаратура

• Баумгартен H. A. Добронега Владимировна, королева польская, дочь св. Владимира //Благовест. — Париж, 1930. — № 2—3. — С. 102—109.
• Назарко І. Доброніга дочка св. Володимира В. // Analecta ordinis S. Basilii Magni. — Vol. 2 (8). — Fasc.3-4. — Romae, 1956. — C. 319—324.
• Назаренко А. В. Древняя Русь на международных путях. — М.: Языки русской культуры, 2001.
• Войтович Л. Княжеские династии Восточной Европы (конец IX — начало XVI в.).
• Карпов А. Ю. Ярослав Мудрый. — М.: Молодая гвардия, 2001.
• Романовский В. Д. Добронега. — М.: ЭКСМО, 2006.
• Древняя Русь в свете зарубежных источников. / под редакцией Е. А. Мельниковой. — М.: Логос, 1999.